خوش آمدید

جستجو

تبلیغات





یارانیما سلام


    ائینالیم

    داغدا نقاش یاراتمیش مارالیم

    گله بیلمز کاغاذا ،

    هِئچ پَری بیلمز خیالیم

    یوخلاییب لار ائل اوبا ،

    فیکریله ریندن ، سن اویاخ سان

    باخیسان گوزده قولاخ سان

    بیز گئدیب سن قالاجاخ سان

    گئنه یاران چی لارا ساز چالاجاخ سان

    نه وئریب سن آلاجاخ سان

     

    ــ "  ائوین آباد اولا یاران "

    ــ او کیم ایدی ، نه سس ایدی ؟

    داش دئدی : گوز یاشیم ایدی

    داغ دئدی : یولداشیم ایدی ،

    هاشیم ایدی

    بابکین آتدا چاپان زمزمه سی دی

    اینسانین داردا قالان ولوله سی دی

    ــ هاردا قالمیش ؟

    اولمویا عشق قوجالمیش !؟

    ــ یوخ یالاندی ،

    بزه نیب دیر ،

    ائله بیل یاپ ساوالاندی

    بیزی گوردی هاوالاندی

    ویردی پیمانه جالاندی

    سازی چالدی اوخودی :

    یارانی یئل لر ییخا بیلمز

    اورا هیمّت داغی دیر ،

    هر نظری کج چیخا بیلمز

    اورا یاران دی ،

    طبیعت چی لرین تئللی نیگاری

    قوزولار اوردا اوتاری

    قوت گلیب قویما آپاری

    آلمالار واردی باهاری

    گوشواران وار گیلاناری

    بیری قیرمیز بیری ساری

    که په نک لر دی قوناری

    فرهادین اوردا مزاری

    گوزلر آخشام چاغی یاری

    اودا مجنون دی ،

    اوتوزماز بو قوماری

    ایکی دونیانی ساتاری

    باخیسان اَل ده قاباری

    تَره باخ گور نه آخاری

    ده لی طوفان دی چاپاری

    عشق دی مشق لرین اوردا یازاری

    شمس دی مولوی سین گلمیش آپاری

    داهی حیدربابانین سیندی بازاری

    آی گلیب قویما چیخاری

    گون گئدیب قویما باتاری

    گئتمه قال باخ گور آغاشلار نه سوزاری

    بئله اولماز

    بئل کولونگون  قالیب اوردا گله جاخ سان

    قازاجاخ سان اَکه جاخ سان گوله جاخ سان

    چیخاجاخ آی ، ایکی باش دان

    دولی جنگل لر آغاش دان

    آمما یاران اولا بیلمز ، هه له تئز دیر

    داغدا قوت دا قاچار آمما

    ده لی جئیران اولا بیلمز ، هه له تئز دیر

    بئله اینسان اولا بیلمز ، هه له تئز دیر

     

    گئنه یاران کیمی گوی تئللی گوزل ،

    سویگولون اولسون

    گئنه قوی اَل لر ، اورک لر یَخین اولسون

    گئنه مین رحمت آپارمیش ،

    باباجانی نقی ن اولسون *

    نئچه مین قوربانعلی تونتابین اولسون

    آی حسن مشتی لر اولسون

    آی جاواد سیّدی لر ،

    آی علی قوربان پورون اولسون

    نئچه وحدانی لرین ،

    مین نئچه گلبازلارین اولسون

    ممّد ابراهیمی لر تک ،

    اوجابوی لشکرین اولسون

    آی رحیم صادیقین اولسون *

    گئنه داغلار هاشیم اولسون

    مین اوجور قارداشیم اولسون

    تبریز آخشاملاری تک ،

    یایدا سرین یئل لرین اولسون

    سارامین بختینه تای ،

    آی آپاران سئل لرین اولسون

    قیزلارین قوی گلین اولسون

    گئنه مین لر جولالی ،

    نازلی سلام اللاهین اولسون  *

    نئچه مین آلما دره ن ،

    آی کیمی گویچک لرین اولسون

    بولاغ آخسین سرین اولسون

    نه بیلیم من نه جور اولسون

    گویلون هر جور چکیر اولسون

    ائوین آباد اولا یاران

     

    ــــــــــــــــــــــــــــــــــــــــــــــــــــــــ

    * نقی باباجانی و قربانعلی تونتاب و حسن سیاوش نیا ( حسن مشتی ) از اعضای اصلی و فعال گروه بودند که به رحمت خدا رفته اند .

    * گلبازلار : رحیم و کریم حامد گلباز از اعضای اصلی و اولیه گروه

    * وحدانی لر : حسین و قاسم وحدانی از اعضای اصلی و اولیه گروه

    *و اسامی بسیاری از بزرگان که از قلم افتاده است .

    * " مین لر جولالی نازلی سلام اللاه " اشاره به چاله های خالی صدها نهالی است که هاشم در مسیر سلام اللاه کاشته بود که یک روز صبح که به آنجا می رسد می بیند همه نهال ها را شکسته یا از ریشه در آورده اند .


    این مطلب تا کنون 6 بار بازدید شده است.
    منبع
    برچسب ها : اولسون ,بیلمز ,لرین ,گئنه ,یاران ,اولا ,لرین اولسون ,اعضای اصلی ,اولسون گئنه ,اولا بیلمز ,ائوین آباد ,
    یارانیما سلام

تبلیغات


    محل نمایش تبلیغات شما

پربازدیدترین مطالب

آمار

تبلیغات

محل نمایش تبلیغات شما

تبلیغات

محل نمایش تبلیغات شما

آخرین کلمات جستجو شده

تگ های برتر